Qaabaynta magaalooyinka

Kala saaridda Isticmaalka dhulka 

Hiigsiyada ugu waawayn ee laga leeyahay diyaarinta qorshaha qaabka dhulku waa in la isla meel dhigo isticmaalka kala duwan ee dhulka iyo meelkasta waxa  ku habboon. Jaangoynta isticmaalka dhulkuna kaliya ma aha in meelkasta wax la isaga qoondeeyo oo kalya ee waxa ku jirta meesha in dhulka sida ugu wacan loo isticmaalo. Tani waa sababta dal waliba u leeyahay buug amma qoraal ay soo saareen hay’adahooda u xilsaaran dhulka oo ku salaysan isticmaalka dhulka iyo meel kasta waxa ku habboon. Tanni waxay fududaysaa in si waafaqsan xeerarka horumarinta dhhulka ee dalkaa ay dhammaan mashruucyadu u raacaan tixraacaa ay soo saartay dawladdu. Kolkaa waxa kor u kaca ka faa’idaysiga dhulka, waxana si habboon looga faa’idaystaa dhulka intii la karayo.

Tixraacaa ay dawladdu soo saarto badanaa waxa lagu xusaa qaabka dhulka loo isticmaalayo iyadoo loo kala qaadayo toddoba qodob oo kala ah:

1.      -Guryaynta/ degganaanshaha

2.      -Ganacsiga / suuqyada lagu ganacsado

3.      -Adeegga Bulshada (adeega dadwaynaha, dhaqanka, goobaha taariikhda iyo isticmaalka gaar ah ee baahiyaha bulshada)

4.      -Meelaha cagaaran, dhiraynta, jimicsiga iyo meelaha loogu talo galay ilaalinta degaanka.

5.      -Dhismayaasha maamulka

6.      -Waxsoosaarka iyo kaydinta

7.      -Kaabaayaasha dhaqaalaha, adeegyada iyo isusocodka.

1. Deggenaanshaha/ Guryaha

Guryuhu waa meesha ay dadku deggan yihiin. waa meesha ay dadku ku nool yihiin ee reerku degganaanshaha rasmiga ah ku haysto. Waa kobta ay dhammaan xubnaha gurigu isugu yimaaddaan. Haddaba aaggani waxa uu ka kooban yahay oo uu khaas u yahay guryaha la deggan yahay. Aaggan waxa laga dhex furi karaa ganacsiyo yaryar iyo warshado aan waawaynayn oo aan dhib ku keenayn guryaha iyo ku nasashadoodaba.

-Kolka haddaba la eegayo meesha ku habboon guryaynta waxa loo eegaa qodobbo ay ka mid yihiin:

·         -Badanaa waxa la door bidaa in magaalada koonayaasheeda laga dhigo.

·        - In aanay meeshu ahayn carro madaw ku habboon beeraha. Intii laga fogaan karayo waa laga ilaalliyaa.

·      -Waa in ay ka madhan tahay masiibooyinka dabiiciga ah meesha guryaynta loo qoondaynayaa.

 

2.Aagagga Ganacsiga

Aagagganni waa meelaha loogu talo galay in uu ganacsigu ka dhaco. Waa meelaha laga dhigo suuqyada wawayn. Badanaa waxa laga dhigaa badhtamaha magaalada si ay ugu sinnaato dhinac kasto oo magaalada ah.

Aagaggan waxa badanaa ka dhaca oo lagu jaangooyaa ganacsiga magaaladaa. Waxa ku xidhan idil ahaan bulshada ku nool magaaladaa. Suuq yada laga hir galiyo waxa ka mida suuqa khudradda, qalabka dhismaha, dharka IWM. Waxa jira kala saarid loo sameeyo suuqyada oo ay jaangoyso dawladddu. Waxa kale oo la xaddidaa qaab isticmaalka suuq kasta iyada oo ay ku xidhan tahay hadba sida ay dawladdu u dhhigto.

-Markal la eegayo in aaggan la sameeyo, qodobada loo eego waxa ka mid ah:

·        - Meelo ay gaadiidku soo mari karaan.

·        - In ay ka fogaato meelaha waxbarashada, adeegyada bulshada iyo goobaha caafimaadka.

·        - In lagu sargooyo badhtamaha magaalada markaa la jirta.

Lasoco qaybta labaad