Igu Saabsan

Sakariye C/xakiin Maxamed waxa uu ku dhashay magaalada Hargeysa taariikhdu kolkay ahayd 17/jun/1994. Waxa uu dugsigiisii hoose ka galay magaalada Burco gaar ahaan dugsiga hoose ee Ina Quluunbe; Halka uu dugsigiisii dhexena ku dhammaystay dugsiga Geeska Africa ee isla magaalada Burco.

Waxa uu dugsigiisii sare ka dhammaystay,  dugsiga sare ee Ilays kuna yaalla magaala-madaxda dalka Soomaalilaand ee Hargeysa. Sidoo kale waxa u laba degree ka kala qaatay Jaamcadda Hargeysa kuliyadda Civil Engineering iyo Jaamcada Haayada Shaqaalaha, kuliyadda Urban Management. Sakariye waxa uu hadda ka wadaa Master of Urban Planning and Design Jaamacadda Adama ee dalka Itoobiya. 

Sakariye waxa uu  qoray saddex buug oo ku kala suntan {Qorshaynta Qoyska(2014), Qurxi Noloshaada (2015) iyo Bender (2021). Buugga dhexe waxa uu ku guulaystay kaalinta 3aad, tartan ay qabatay shirkadda daabaacaadda Sagal Jet. Labada buug ee hore waxa ay ku soo baxeen iyaga oo taxane ah wargeyska Dawan. Sakariye waa hal-abuur aan ka madhnayn dhanka suugaanta, lehna maansooyin faro ku tiris ah. Sakariye waxa kale oo uu qoray maqaallo doora iyo sheekooyin aan tiro badnayn.

Sakariye hadda waxa uu ka soo shaqeeyay  Wasaaradda  Isgaadhsiinta iyo Teknolojiyadda isaga oo ka soo qabtay Madaxa Logstics ka iyo Xisaabiye Guud oo uu aha muddo laba sano ah. Sakariye waxa uu hadda ka shaqeeyaa Mac'hadka Shaqaalaha  Dawladda isaga oo ah madaxa dabagalka qiimaynta iyo hubinta tayada ee Mac'hadka.