Maxaa ay ganacsiyada yaryar ee Soomaalidu u horumari la'yihiin?

Q2aad....B.adeegga aad rabto oo aan si hufan laguugu qabanayn: Sida aynnu u badannahay degdeg iyo ka gaadhsiida ayaa innagu badan. Inanka Soomaaliga ahi in uu ku marxabbaysiiyo oo uu ku qanciyo shaqadiisa ayaa ku xidhan balse aalaaba ma dhacdo, haddii aydaan dad isfahmay ahayn. Ganacsigu is fahan uma baahna ee daacad iyo dedaal buu u baahan yahay. Macmiil kasta oo kuu yimaadda in aad si wanaagsan oo qancisa ugu shaqaysaa waa danta ganacsigaa yar. Haddaba wiilka Itoobiyaanka ahi sidaa ma aha ee haddii aad maalin

walba ka xiirato iyo haddii ay caawa kuugu horrayso waa midkii kugu mashquula wakhti dheer ilaa aad ka dareemayso raallli ahaansho. Waa sababta aynnu kuyuuga dheer ugu galo tima jarayaasha Itoobiyaanka balse aynnaan u danayn timo jarayaasheenna.

1.       Dawladda oo liidata iyo damaca ganacsatada oo xad ka bax noqday: qodobkani waa midka ragaadiyay ganacsatadeenna yaryar. Dawladdu siyaasad cad oo lagu kobcinayo korna loogu qaadayo ganacsatada yaryar ee raad baradka ah ma laha. Ganacsadihii waynnaa ee la rabay in uu oggolaado in la ga hoos macaashaana ma oggola oo wuxuu ku noqday ganacsatadii soo korraysay laf dhuun gashay. Ganacsatada waaweyn baa ka kaw ah siqiir suujiska haysta kuwa yayar(ganacsatada). Tusaale: ninka bariiska soo dejiyaa maanta kagama hadho dekadda ee isla isaga ayaa kiiloo miisa oo danyarta guryahooda goondhooyin uga furay. Gaadhiya dekadda ka soo qaadaya isagaa leh. Bakhaarka lagu rogayo si loo kaydiyo isagaa leh. Gawaadhida yaryar ee bakhaarrada suuqa u qaybiya isagaa leh; halka isla bakhaarradaana uu badh leeyahay. Ila soco oo hayga hadhine waxa ay u badan tahay waliba in uu tukaannada xaafadaha ka iibiyana uu qayb leeyahay. Waayahaye waxa su’aala maxaa u nafa dhammaan jarajaradaa aynnu soo taxnay ciddii ka faa’idi lahayd? Saw kaligii-noole ma aha, aan dadka iyo dalka midna u tudhayn ee wuxuu doono samaynaya?  Middaa wax aka daran ma jirto wax dawlad ah oo your ka odhanaysa waraabahaa ummaddii ku habsaday. Waa qodobbada ugu waaweyn ee boqno gooya ganacsatada soo koraysa.

2.        

F.G Ma wada aha ganacsatadeenna yaryari qaar sidaa aan ku xusay ah balse waa sida aynni u badannahay; sidaa liddigeedana dhammaan ajaanibku ma aha qaar sida aynnu kor ku xusnay wada ah balse waa sida ay u badan yihiin. Kolkale Tusaalayaasha aan soo qaatay ugama jeedo ajaanib jacayl balse dhaliisha jirta ayaa ah in aynnu wali ku liidanno qancinta macmiilkeenna. 

W/Q Sakariye Cabdixakiin Maxamed (Miido)

Sakariyemido1@gmail.com