Yaa ku weheliya?

Halmar ayuu suuray. Mayaqaan waxa ku dhacay se maanta iyo il ka ogaansho(akhris) uu ku dhammeeyay dhigane aad u dhaqaajiyay maskaxdiisa maankana u daawasho geeyay dagal doogu buuxo, dugaag wax cunaana aanu joogin. Fakar dheer oo ka bilawday xadantayntii dhiganaha(buugga) se dhamaad kiisu aanu dhawayn, malahaygana aan laba gaadhayn ayuu durduurtay. 

Waxa uu damac ula dhaqaaqay dunida maanta uu sifaheeda dheegtay, halka uu kaga jirana ogaa se halka uu ka gali doono ayuu

go'aan dhiirranaan leh ku dhagsiiyay; balse dhiggiisa ku lamaan ee nafi lama qabto go'aanka uu gaadhay, waana ku kali aan cidi labayn. Oo yaa labayn lahaa cidiba lama ogee? Oo haddaa tan baasee nafa yaa ogaysiiyay? Ala oo saw iyadu maaha ta mar walba la og waxa uu wado ama go'aan ku gaadhayo. Oo talaw maxay ka rabtaa ee go'aannadiisa ay u diiddaa? Dee waxay rabtaa in uu u hoggaansamo. Oo isna ma oggolyahay sidaa? Ma oggola se waa loo soo raacay oo la oggolaysiiyay? Al! oo isba lama soo raacine iyada yaa weheliya? Dee shaydaan. Oo muxuu isagaba u wehelin waayey? Danbaan ugu jirin isaga. Oo wa maxay dantiisu? In daarta labaad la weheliyo? Oo markaa ma naftaa darta labaad wehelinaysa? Maya e isaga iyo naftuba waa ay wehelinayan? Al! oo haddaa muxuu isagana u wehelin waayey? Hadduu imika weheliyo una hiiliyo daarta danbe cidla ayaa uu noqonaya Shaydaan. Oo horta daarta labaad wa xaggee?waa aakhiro. Oo markaa side ayuu u wehelin nafta? Hhh! dariiqa saxda ah ayaa uu ka luminayaa. O dariiqee sax ah se kee qaldan? Kuu Alle inoo jeexay ayaa sax ah, kuu Shaydaan wataana wa qalad. Oo marka in dariiqa saxda ah la raaco nafta iyo Shaydaanba diidan? Haa. markaa sidee looga badbaadayaa? Xuska iyo weheshiga Alle ayaa lagu bedbaadayaa. Oo Alle sidaa loo weheshanayaa? Digrigiisa, iyo cibaadada badso waxa uu diidayna ka tag. Haaa, haddaan fahmay, shaw waa lay weheliyaa o laba cadaw oo khatar ah ayaa ila socda. Haa waa runtaa. Sax haye digriga Alle aya ino ballan ah.