Farxiya

Geesi geesi dhalay. Haa waa geesi geesi dhalay oo anaa huba, dadnimada , dulqaadka iyo daganida ayaa u dheer oo taaana waan hubaa. Kolka fikir la is waydaar sanayo kiisa ayaa u qumman qaladkana uga fog se haddana lama qiimeeyo; kolka la is tirsanayo waa mid ka dadka qalbigooda ugu danbeeya ee la xasuusto (waa haddii ay dhacdo in cidi uun xasuusato), haddana kolka la wadaagayo hawsha

waa mid ka ugu hawl qabadka wacan.

Araggiisu soo jiidasho saa u dheer ma leh; waa sida ay sheegaan se dhankayga waa mid aragga u roon. “dee akhriste iyaba way ila arki lahaayeen haddii ay aragga duxda iyo dun u dhaadhaca leh ay wax ku eegayaan se yaa ugu taag helaaya waxoodu waa dul ka halacsiye”. Haa cidi ma danayso oo ma daryeesho aan ka ahayn hooyadii iyo dhawr ay dhalasho wadaagaan. Waa hawl kar se had iyo goor ma muuqato oo waxa shiikhisay intiisa inkale oo faataa dhug ah(been ah), saxaafadda iyo bulshada uu la nool yaahayna ay ka bad badisay heerkoodii.

Cidi uma danqato waxa uu duluc ahaan ka fekerayona cidi ma qiimayso hadalladiisuna wa ”hal bacaad lagu lisay”. wax uu sidaa ku noolaado oo habeen walba ciilka iyo calool yaw u ahaataba, goor casar gaaban ah ayaa uu si kama ah ugu leexday hudheel nasi oo wahdiga uu marayo cadceed ka soo bax kaga began; kolkiiba waxa uu salka la raadsaday kursi si kalsooni lehna isugu tuuray.

Waxa maankiiisa uu isugu keenay dhammaan taariikhdiisii ilaa kolkii uu garaadsaday. Waxa uu ka waayay hal maalin oo uu ay bulshadiisu la faraxday isaga dartiina sacab iyo soo dhawayn marxabaysan isugu dartay. Uu yaabay oo fajacay! Isna waydiiyay talaw waayo maxay sidani u dhacaysaa? Kolkiiba waxa uu xaqiiqsaday waxa maqan ama uu tabayaa in uu heli karo, wakhti yar dabadeedna sacab iyo mushxaradi aawadii u asqayn doonto magalaada.

Laba sano oo gaw ah ka dib. Waaba isagii oo aad mooddo in xuub laga dilaacshay; waa ba wiilkiii oo la daba yaacay. Waa kaas kobta uu habeen tilmaansado la isku laayay. Kolka uu kalmad yidhaawaa taa la buun buunniyay ee hadalkiisii aan dulucda badan ba lahayn lagu dhego barjeeyay ummaddii. Wa kaa warkiisii iyo waayihiisa baraha bulshada lagu qaadaa dhigay.

Tolow miyaanu isagii ahayn? iga walla waa isagii oo aan biyo is marin , “al” oo xataa midabkiisii isma badaline, u fiirso waar hadda eeg dherer kiisiina ma kordhine. -oo talaw haddaa maxay ku arkeen? -Dee miyaan garanayaa? “Wagar iyo ka waaawayn” -waaar innoo gee aynu waydiino waxa is beddelay iyo sida uu sameeyay e’ . -Dee ma inna arkayaabaa ka horaysa? -waar nin ku sawkii dhul socodka ahaa goormuu sidaa isu cayn rogay? -Waar isaga maaha dee waa iyada? Iyadee. -dee tii? –“Waar bal asnad iyo lama aragtan kaalaya” dee tee haaye?- Dee ilawnayba intaad dhagaha naga cunaysay’e tii miyaanad garanayn? –“Afka lagu goo” waar haddaba wax noo sheeg oo tee? –“Iimaanka lagaa qaad miyaannu ku nidhaaye” taa een een dee “farxiya” miyaad garanayn? -Farxiya aa, oo islaantiisii ma “Farxiya” ayay la baxday saw taan moodayay in “Dahabo” la yidhaa? –Dee may ma aha iyadii taannu sheegaynaa. –Hayaay” haddaa ma waxa aad soo wadataa “mid kaluu la guursaday” iga walla in aanay dhacayn baan u malayn, waar islaan kulul buu qabay oo fariida isagana u roon “kaw dheh”, dee mida kale ifkaabu u jeclaaye miyuu shawakhay ninku? –“Jacaylkaaba dhac” waar waa tuu taa bari hore buuri ku tufaye waxa aan u jeedaa “hacoo kii ahaa tii halyayga ka dhigi jirtay(lacag)”, kaga hadliya dee. – kakakaka “Aabahaa lama cadaabo” dee “ruux dawaysa ayaad sheegaysay” oo maad mar hore I tidhaadh did “ waa midday dadka reer Muqdisho yidhaahdeen “haddii Xaarkuba haysan lahaa, Xaar lama yidhaahdeen ee Xaaji jiljilic baa la odhan lahaa””.

“MAXAY HACOO MAANTA HALYAY NAGAGA DHIGTAY OO DANYARTII KU DAACSANAYAA”