 |
| Salariye Miido |
Lexejeclaan ka qabaa Agriculture.
Alle(korree oo sarreeye) ayaa
mahad iska leh; innoogu deeqay nimcada Islaamnimada, garashada, aqoonta iyo
dhammaan nimcooyinka aan tirade lagu koobi Karin. Ka gadaal mahadnaqaa Eebbe(korree
oo sarreeye) waxa jira la dagaallan ba’an oo lagu hayo aqoonta dunida
saddeexaad ee soo kordhaysa waxana la maraa ammaba ay maraan inta dunida
koobaad la yidhaa
waddo kasta oo ay ku ragaadin karaan isi soo tarka aqoontaa.
Halka maaddo ee saamaynta iyo
xadantada ku beerta ardayga ku jira dugsiga sare. Halka maaddo ee soo saari
karta dhalin yaro abuuri karta ganacsi, fali karta beero, dhaqi kara xoolo
waliba xanaannayn iyo wax soo saar ka samayn karta shinnida iyo digaaga iyaga
oo aan galin jaamacadda.
Wali ma aynnaan dareemin faa’idada
ay maaddadaasi u leedahay bulshada dalkan Soomalilaand iyo horumarkiisa; waana
sababta loogu goodiyayo aynna u tahay maaddada u fudud ee laga saari karo
manhajka.
Dhammaan maaddooyinka kale waxa
ay maanka ardayda ku yihiin riyo loo dhisayo; waa daw in ay sidaa u arkaan
sababta oo ah: ma aha wax ay arkeen, uriyeen ammaba maqleen kolka laga
reebo dhawr maaddo(xisaabta, luuqadaha
iyo barashada diinta islaamka).
Macalinnimadu maanta waa meelaha
ugu badan ee sahqadii iyo ganacsigii galay waana sababta ay u soo baxayaan
kumannaan aan kaw(1) iyo laba(2) kala saarayn se isu haysta in ay dhammaan
aqoonta iyo umuuraha cilmiga ay dhanka kale uga baxeen. Waa aafo qaran oo
aayaha dalka u xun se aan la dareensanayn.
Faa’idooyinka ay leedahay
maaddada Agriculture ku waxa ka mid ah:
1.
Waxa
lagu dhigtaa cutubbo ka mid ah cutubyada maaddadan dhaqashada shinnida, digaagga, xoolaha iyo
waliba falashada beeraha walaw aanay aqoon buuxda ahayn, haddana se waa tilmaan
laga siinayo ardayga in dalkiisa ay wax badan
oo dalka,dadka iyo dantiisaba u fiicani ka buuxaan kaliyana ay ka hor
taagan tahay ku dhaqaaqa iyo dedaalkiisu.
2.
Waxa
lagu dhigtaa cutubka ka mid ah suuqa iyo ganacsiga taas oo ardayga u furta il
uu ku arki karo ganacsiyada ka banaan suuqa iyo fursaha shaqo ee uu abuuri karo.
3.
Waa
maaddada kaliya ee dhammaan dabaqaysa waxyaabo dala guduhiisa laga helayo,
aadna ay u fududahay in lagu dhaqaaqo.
4.
Waa
maaddo kor u soo qaadaysa heerka hal-abuurnimo ee dhalinyarada iyo dhammaan
bulshada.
5.
Waa
maaddo kaalin buuxda ka gali karta kor u qaadidda ganacsiga dalka iyo xaddiga
dhaqaale ee soo gala. iwm
Ma soo koobi karo faa’idooyinka ay leedahay
oo inta aan il duufayo ayaa badane waa maaddo aan u arko in ay qayb laxaad leh
ka tahay horumarinta dalka, dhalinta, dhaqaalaha iyo waliba dhammaan heerarka
kala duwan ee bulshada.
Duluc: ogsoonaw in maaddadani tahay ta adduunka
aynnu kula tartami karno marka laga yimaaddo diinteenna oo aynnu xoojinno iyo
farsamada casriga ah(technology).
W/Q Sakariye Cabdixakiin Maxamed (Miido)
Email: Sakariyemido@gmail.com
No comments:
Post a Comment